Şehenşāh-ı cihān ‘Abdü’l-ḥamīd Ḫān ibn-i Aḥmed Ḫān
Hemīşe maẓhar-ı feyż-i cenāb-ı Kibriyā’dır bu
Anıŋ ‘aṣr-ı hümāyūnunda bulmuştur cihān zīnet
Her etvārında fā’iḳtir seleften bī-riyādır bu
Ḫuṣūṣā ḳıl naẓar ḫayrātına düstūr-ı ẕī-şānıŋ
Muvaffaḳ oldu ās̱āra aŋa Ḥaḳḳ’dan ‘aṭādır bu
Maḥallinde ’aceb beẕl-i kerem ṣarf-ı himem ḳıldı
Ḫulūṣudur anıŋ bi’l-lāh tevfīḳ-i Hüdā’dır bu
Bu cem‘iyyetli ra‘nā cā-yı pākin yoġiken ābı
Bi-ḥamdi’llāh ki şimdi reşk-i rıḍvān-ı ṣafādır bu
Aḳıttı selsebīl ırmaġını gūyā ki cennetten
Ḥayāt olsun ‘ibādu’l-lāha kim ‘aynü’ş-şifādır bu
Bu semtiŋ āb ü tābın verdi Ḥaḳḳā āṣaf-ı yektā
Şerefle sāḥil-i Fındıḳlı faḫr etse revādır bu
Zülāl-āsā içiŋ ey teşnegān āb-ı muṣaffādan
Sebīl ü çeşme-i pākīze-i ṣadrü’l-‘alādır bu
Nāṣir-i salṭanat ḥāmī-i dīn ü devlet ü millet
Yūsuf Pāşā-yi pür-ṣavlet zehī medḥe sezādır bu
Vekīl-i muṭlaḳ-ı şāh-ı mu‘aẓẓamdır ṣadaḳātle
Du‘āsı vācib-i her ‘uhde-i bāy ü gedādır bu
Nice ḫayrāt-ile nām-ı şerīfin yazdı mermerde
Hüdā-yi maġfiret-sāza kemāl-i ilticādır bu
Degildir zīnet-i ṣūrī cihāna münḥaṣır belki
Li-vechi’llāh es̱erdir tūşe-i yevm-i beḳādır bu
Edip rūḥ-ı revān-ı āl-i pāke tuḥfe-i nā-çīz
Şefā‘at-cūyi-i bāb-ı Ḥabīb-i müctebādır bu
Edībā sen de yaz itmāmına tārīḫ-i zībāsın
Söz olmaz ṭarḥına a‘lā sebīl-i dil-küşādır bu
Sene 1201
سوز اولمز طرحنه اعلا سبيل دلكشادر بو
- Poet
-
Edib
- Information on the poet
-
ö. 1215 [1801]. Midilli Nazırı Ali Bey’in oğlu Edîb Mehmed Emîn’dir. İki dönem vakanüvislik yapmıştır ve Tarih adında bir eseri vardır. Divan sahibi şairdir.
- Notes on text
-
Tam tarihtir.
-
-