‘Ayn-ı şefḳat menbaʽ-ı āb-ı zülāli merḥamet
Mehd-i şevket māder-i Sulṭān-ı Maḥmūdü’l-fiʽāl
Dürc-i ‘iṣmet vālide sulṭān ki oldu dā’imā
Kārı fikr-i bāḳiyāt-ı ṣaliḥāta iştiġāl
Ṣıdḳ ile bir ḫayr-ı cārī etti kim girmez ele
Ṣu yerine ḳılsalar maḫzen dolusu beẕl-i māl
Yaʽnī şehr-i Müslime ābād ile Ṭop-ḫāne’niŋ
İḥtiyāc-ı ābdan etdikde ḫalḳı arż-ı ḥāl
Gūş edip ṭabʽında cūy-ı merḥamet cūş eyledi
Ḫıżr-ı tevfīḳ-i ilāhī oldu rāh-ı ḫayra dāl
Eyledi tā ki biniş bir gün Kemerler semṭine
Nūr-ı ‘aynı ḥażret-i ḫāḳān-i İskender mis̱āl
Gör şu te’yīd-i Ḥaḳı tevfīḳ-i feyż-i muṭlaḳı
Ṣuyu sāfī āb-ı vāfī eylemekte eyler ḫayāl
Āb-ı rūyun kūhsār etdi ayaġına nis̱ār
Ḳıldı yaşın çeşme-i ḥayvān yolunda ḫāk-māl
Etdiler hem çeşmeler bünyād edip irvā-yı dehr
Ḳıldılar hem fażlasın taḳsīm-i aṣḥāb-ı celāl
İşte ez-cümle bu cūy-ı Kevs̱er-āsā çeşmeyi
Defterī-i şıḳḳ-ı evvel yaptı bā-iḫlāṣ-ı bāl
Ol Meḥemmed nām u Maḥmūdü’l-me’ās̱ir kim odur
Ḫayr-ḫˇāh-ı salṭanat āb-ı rūḥ-ı ehl-i kemāl
Ṣu gibi ezberleyip Ḥāfıẓ oḳur tārīḫini
İç Muḥammed ‘aşḳına mā çeşmeden āb-ı zülāl
1145
ايچ محمد عشقنه ما چشمه دن اب زلال
- Poet
-
Hâfız
- Information on the poet
-
ö.1157 [1744-45]. Galatalı Hafız olduğu sanılmaktadır. Düşürdüğü tarihlerle ün salmıştı. Râmiz Tezkiresi’nde de bir tarihi bulunmaktadır.
- Notes on text
-
-
Notes about Abjad
-
Tam tarihtir.