Şehenşāh-ı cihān Sulṭān Maḥmūd-ı mekārim-kār
Vücūd-ı bī-naẓīri oldu dehre ni‘met-i ‘uẓmā

O ḫāḳān-ı ni‘ām-fermā-yı evreng-i ḫilāfet kim
Anıŋ eyvān-ḫvān-ı cūdudur ma‘mūre-i dünyā

Ḫuṣūṣen ‘ahd-i Fātiḥ’den beri bu ḫayr-ı vālāya
Muvaffaḳ olmamış eslāfı şāhāndan beri ammā

Meger merhūn imiş vaḳt-i hümāyūn-ı cihānbāna
Ki yapdı böyle bir dārü’n-ni‘ām şāhenşeh-i dānā

Zihī dārü’n-ni‘ām kim kāse-şūyı maṭbaḫ-ı cūdı
Sezādır olsa Keyḳāvus u Ḫusrev dāver-i Dārā

Maḥallinde hele bir bī-bedel ḫayr-i cezīl oldu
Simāṭ-ı luṭfuna sīr oldu el-Ḥaḳḳ pīr ile bernā

Mü’eyyed eyleyip iḳbāl ü şevketle o Sulṭānı
Muvaffaḳ eylesin ās̱ār-ı ḫayra Ḥażret-i Mevlā

Bu Ni‘met bendesi vech-i cemīl ile dedi tārīḫ
İmāret eyledi Sulṭān Maḥmūdü’n-nevāl iḥyā

1155

Ketebehu el-ḥaḳīrü’l-muḥtāc ilā-raḥmeti Rabbihi’l-Ḳadīr Ḫāzin-i Şehriyārī Beşīr 

عمارت ايلدى سلطان محمود النوال احيا 

Poet

Nimetullah Efendi

Information on the poet

ö. 1186 [1773]. Asıl adı Nimetullâh olup Nimet Efendi olarak tanınmaktadır. Medrese eğitimi alan Nimet Efendi, müderris,nâib, Harameyn müfettişliği, Galata, Mısır ve Mekke mollalığı, İstanbul ve ordu-yı hümâyûn kadılığı gibi görevlerde bulunmuştur. Dîvân’ı vardır.

Notes on text

Notes about Abjad

Tamiyeli tarihtir. Son mısraın harflerinin ebced değerine "vech-i cemil" tamiyesi gereği 3 eklenerek 1155 tarihi bulunur.