Ḫān Murād’uŋ zamān-ı ʿadlinde
Her ṭaraf oldı yapılup aʿlā

Dar idi olmaġa yoġ idi mecāl
Baltacı ḳulları çekerdi cefā

Yüz sürüp pādişāh-ı devrāna
Anı ʿarż eyledi Meḥemmed Aġa

Emr idüp devlet ile şāh-ı cihān
Didi yapuŋ maḳāmı müstevfā

Maḥrem-i ḫāṣ o Ketḫüdā Ḳadın
Ḳıldı bu cāy-ı cān-fezāyı binā

Māl ü cānıyla çalışup ḳıldı
Ḫıdmet-i pādişāh-ı ẓıll-ı Ḫudā

Ġarażı bu sükūn idüp ḳılalar
Ḥażret-i pādişāha ḫayr duʿā

Pādişāhuŋ ḫazīnedār-başı
Bile çalışdı Muṣṭafā Aġa

Nola Dāvūd yapsa ṣanʿat ile
Oldı çün nāẓır-ı Meḥemmed Aġa

Oldı tārīḫi ḫāṣı ās̱ārı [Ās̱ārī]
Cennet-āsā bu cāy-ı bī-hemtā
995 

جنت اسا بو جاي بي همتا 

Poet

Âsârî

Information on the poet

ö. 1030 [1620-21]. Düşürdüğü tarihlerle tanınmaktadır. Darüssade Ağası Hacı Mehmed Ağa’nın yaptırdığı cami için düşürdüğü tarih kaynaklarda kayıtlıdır.

Notes on text

Notes about Abjad

Tam tarihtir.