Ẓıll-ı Yezdān-ı Ḫān Murād-ı cihān
Şāh-ı ṣāḥib-ḳırān u ḳutb-ı zamān

Fātiḥ-i taḫt-ı mülket-i Tebrīz
Mālik-i mülk-i Şīrvān u Revān

Devr-i ʿadlinde ol şehinşāhuŋ
Her ṭaraf buldı yapılup ʿunvān

Dar idi olmaġa yoġ-idi mecāl
Baltacı ḳullarına işbu mekān

Yüz sürüp pādişāha eyledi ʿarż
Ol Meḥemmed Aġa-yı ḫūb-iẕʿān

Ḳıldı ol pādişāh-ı ẕü’l-aẓamet
Vüs’at ile yapılmaġa fermān

Āṣaf-ı ḫāṣı aʿnī İbrāhīm
Hem vezīr-i güzīni hem ḳapudan

Emr-i ʿāliyle geldi taʿmīre
Bile yanınca ʿasker-i ’ümrān

Yüz sürüp aldı Ketḫüdā Ḳadın
Yapmaġa bu bināyı istiʾẕān

Māl ü cānıyle çalışup ḳıldı
Ḫıdmet-i şāh-ı sāye-i Raḥmān

Ġarażı bu sükūn idüp ḳılalar
Pādişāha duʿā-yı ḫayr her ān

Nola ṣan’atla yapsa mi’mārı
Ki anuŋdur binā-yı ḥıṣn-ı revān

Bāb-ı ʿulyāsı gün gibi açılup
Her yaŋa ṭoldu şevḳ ile dīvān

Bu es̱er olduġunca ās̱ārı
ʿAdl ile ṭursun ol şeh-i devran

Ḳıl naẓar bāba fetḥ ola dirseŋ
Tārīḫi menzil-i teberdārān
995 

تاريخ منزيل تبرداران 

Poet

Belli değil.

Information on the poet

Notes on text

Notes about Abjad

Tam tarihtir. Tarih hesaplanırken sadece "menzil-i Teberdārān" kısmı dikkate alınacaktır.